Me interesesas pri Interlingua ne nur pro ke
ta linguo esas bela ed havas aspekto natural, ma anke pro la fakto ke la
Ido-movemento standas male e ke on povas previdar ke kin yari –od admaxime dek
yari- pos nun, ol desaparos pro la inerteso di lua adepti e pro la indijo de
lernili e valida literaturo en korekta linguo e bona stilo. Do, me lernas
seriozamente Interlingua e me ja sendis mesaji a kelka FB-i en Interlingua.
Precipue, me sendis mesajo al FB di Barbara Rubinstein pro ke lua achento e
voco en Interlingua similesas astonante ad olta di amikino di mea matro qua
esis parolantino dil sud-Franca dialekto. Kande me skribas sud-Franca dialekto,
me pensas pri la Franca parolata kun sudala (od Ocitana) achento. Barbara
Rubinstein esis felica pro ta aserto quan on povas konsiderar kom laudo. Yes,
ma pose venis mesajo da la diablo di Interlingua, nome Paolo E. Castellina qua
esis certa ke me aludis la linguo Ocitana e qua atakis « la Franca
imperialismo » konquestinta Ocitania e qua reduktis a la stando di
dialekti omna lingui qui ne esas la oficala Franca. Me esis furioza, nam me ne
intencis ke on facez proceso a mea lando pro parolir pri ula dialekto, e co min
multe kande parolesas pri despolita e senshama stranjero tote ne koncernata e
nesavanta pri la aferi di mea lando. Me replikis ke la koncernata « dialekto »
esis la Franca parolata en Ocitania (sud-Francia) e nule la Ocitana (qua fakte
esas nun desaparinta idiomo en multa parti di sud-Francia). Me adjuntis ke
koncernante la imperialismo, il devus prefere tacar, nam lia ancestri Italiana
konquestabis Gallia (nuna Francia) ed impozis lia linguo ibe, olqua desaparigabis
la antea dialekti Kelta. E, me adjuntis, forsan nehabile, ke il devus shamar
pri co. Lore vice tacar od exkuzar su pri lua audacoza aserti (tante plu ke me
esas probanta Interlingua e nule konvikita Interlingua-ano), il atakis me itere
per asertar ke il esas favoroza a la nedependo di regioni
di Hispania, Francia ed Italia e, prenante oportune la titulo di artiklo en la
Ocitana, il adjuntis : »No, me ne shamas ». Quon replikar pri co ?
Ma evidentamente la aludita Paolo E. Castellina esas posiblamente bona debatero
ma lamentinda diplomacisto. Notinda ke ca bizara Italiano esas pastoro
protestanta en Anglia e mariajita kun Anglino. Il havas FB kun lua nomo, ube lu
redaktas artikli en la Italiana pri la Biblo e la fido Kristana. Ma la
Kristanismo esas por lu nur profesiono e teatrajo, nam ica diablo di
Interlingua komplete indijas la vertui Kristana. Lua
fotografuro hike vidigas vizajo prefere simpatiinda di benigna viro. Ma ico
esas kompleta falsajo, nam il esas hipokrita, aroganta e despolita kerlacho,
qua ne timas esar grosiera a nekonocati. Me renuncis divenor Interlingua-ano, e
malgre la magra e mikra perspektivi di Ido, me restas en ca movemento, prefere
kam relatar a tala nequalifikebla personi.
dimanche 25 janvier 2015
Inscription à :
Publier les commentaires (Atom)
Aucun commentaire:
Enregistrer un commentaire