samedi 10 janvier 2015

AKTUALAJO - ME HAVAS DUBITI


La recenta eventi en Francia nihiligis la judiko dil spektanti. Tamen, se on reflektas bone esas tre bizara kozi. Unesme, la kulpinti pri la atenti e masakri konocesis kom deliktanti. La Usana sekreta servi avertabis la guvernisti di Francia pri la danjero reprezentata per ta homi. Segun diversa e diskreta informo-fonti anke agis lo la Franca sekreta servi (qui ne esas mala). Do pro quo presorgi ne facesis ?
Ma ico semblas esar tre bona por la soci
alista guvernerio di Francia e François Hollande

qua esas tre despopulara. Pos la sucesoz atako en Dammartin-en-Goële qua ocidis du danjeroza teroristi, danke la elita servi dil polico e la ocido en Paris dil terorista amiko dil supre dicita teroristi, desfortunoze kun la morto di quar gajo-homi en Hebrea supermerkato kashera, Hollande volas montrar su kom militestro qua savis vinkigar lua trupi. Ica omno esis tre spektaklatra. Tre spektaklatra anke esos morge la manifesto por uniono kontre la teroristi en Paris dop la flago di François Hollande. Tre signifikiva esas la refuzo da F. Hollande e dal socialisti admisar la partiso Fronto Nacional a ta manifesto ? Pro quo ? La Fronto Nacional esas legala partiso permisita ed esas nula motivo serioza por ne aceptar lua prezenteso. Ed ol nule relatas al islamisti, tote opozite. Dume, plura statestri Europana qui apartenas a la sama kasto politikal kam Hollande venos.
Semblas a me, ke en la realeso ico esas klara. Nome per ita eventi forsan previdita ed organizita de ante (stranje ke la slogano : "Me esas Charlie" aparis nur kelka hori pos la atento kom ja bone preparita sentenco), la guvernerio di Franca asociita kun altra guvernerii Europana "politically correct"-a volas haltigar la progreso dil partisi e movementi populista en Francia ed Europa. En Germania la movemento PEGIDA tre desquietigas la klaso politikal ed en Francia la partiso Fronto Nacional avancas grandapaze. Do, ico esas reakto dil westala klaso politikal por impedar la "populisti" progresar e kaptar la povo. Li konsilesis da bona psikologiisti, nam li ne plus agas racionalmente, ma impresas profunde per lo emociganta, nome per refuzar la partopreno dil Fronto Nacional, on diskrete e celite akuzas lu esas nedireta inspiranto dil atenti. Same por PEGIDA. Kad ica danjeroza taktiko havos duriva efekti ?

Aucun commentaire:

Enregistrer un commentaire