YE LA 26-ma DI DECEMBRO...

DUM ICA DIO EN LA HISTORIO - Ye la 26ma di decembro 1530 p.K., Mongola imperiestro Babur divenis seriozamente malada e mortis evanta lore 47 yari. Zahir-ud-din Muhammad Babur, decendanto di Gengis Khan, establisis la Imperio Mughal en India ed esis la unesma Imperiestro Mughal di ca lando. Kulturale, lu esis tre grande influita dal kulturo Persiana ed ico efikis a lua propra agi ed olti di lua sucedonti. per produktar signifikive importanta expanso dil Persiana vivo-maniero en la subkontinento Indiana. Quankam il esis hardigita militisto, Babur deskriptesis anke kom viro kulturoza e pia qua redaktis delikata poezio ed esis autodidakto pri kulturo, historio natural e geografio di Mez-Azia ed India. Pos la transpaso di Babur, lua filiulo, Hamayun, heredis lua trono. Humayun plufortigis ed expansis l'Imperio, olqua esis atingonta lua zenito lor la regno di lua filiulo, Akbar la Granda. Pikturo : Portreto pri Babur, extraktita de frue ilustrita manuskripto dil Baburnama 1589-90.