samedi 17 décembre 2011

LE "VIMANA"

:::-:::

Kad ni esas le unesma qui vizitis la Luno nia satelito ? La Ocidentani kredas ke yes. Ma anciena skripturi e kroniki Indiana trovebla en le "Veda" (maxim anciena sakra texti di India ed evanta de adminime plu kam triamil yari) semblas asertar ke no. Ibe on trovas stranja antiqua texti qui deskriptas militi duktata da misterioza deala enti qui lansas de aerala vehili nomizita "vimana" radii di qui la efekti tre similesas olti dil moderna bombi atomala. Kande la Angla eruditi dil XIXma yarcento deskovris ita texti, li kredis ke oli esis fablatra miti inventita da homi havanta granda e brilanta imaginado. Ma la militi e deskovri di la sequanta yarcento chanjigis la opinioni e nun esas enigmato : kad existis olim antiqua civilizuro en India od altraloke qua esis plu avancita teknologiale e ciencale kam nia ? La Ocidentani, tre generale, ne volas pensar pri co nek kredar ica posibleso pro ke lia koncepto dil progreso esas lineala. Ma multa Indiani qui havas kosmogonio aludante rikomenci senfina defensas ica tezo.
Dum paco-tempo esis anke altra aernavi nomizita "pushpaka" qui flugis quale la moderna avioni ed interjuntis diversa urbi. Ma esas ulo mem plu extraordinara. Kelka yari ante nun Chiniani deskovris dokumenti en la Sanskrita linguo en Lhasa, Tibet, e li sendis oli a la University of Chandrigarth por ke li tradukesez. D-ro Ruth Reyna di ca universitato asertis ke la dicita dokumenti kontenas informi teknikal por konstruktar kosmospacala navi interstelal !
La detali furnisita pri le "vimana" e lia aspekto tre pensigas pri le NIFO (Ne-Indentigita Fluganta Objekti) pri qui diversa testi raportas en nia epoko. Do la questiono pozesas : kad olim tre avancita civilizuri ja existis sur nia globo ed altraloke ? Oficale ica posibleso negesas dal oficala ciencisti Ocidentana, ma on savas anke ke la nacional socialista ciencisti ed Adolfus Hitler ipsa tre interesesis pri la texti Indiana antiqua. Kad la remarkinda avanco dil cienco e tekniko Germana ita-epoke debesas a lia studiado ?
Misterio...

:::-:::

1 commentaire:

  1. Tre interesiva informi! Forsan vu anke audis pri la ponto sub aquo inter India e Ceylon? Ol anke mencionesas en texti vedana ed nulu kredis en sua existeso ante la ponto deskovresis sur la fotografuri facita da spacala aparati...

    RépondreSupprimer