Merkurdie,
ye la 4ma di februaro 2015.
La
nuna eventi en Grekia qui atraktas l’atenco dil Europani a ta lando kontributas
memorigar me pri ulo. Dum ula bela matino sunoza dil yaro 1949 (ka printempo od
autuno me ne savas, nam me evis lore apene kin yari) mea matro venis a mea
(Alexis Tsipras, la nova Statestro di Grekia)
lito
(me esis ofte malada dum mea infanteso) e deklaris a me : « La
radiofono anuncis ke la milito finis en Grekia ». Me tre astonesis nam me
savis ke la milito finabis de plura yari e ke la Germani ne plus povis
kombatar. Me questionis : « Quale la milito povis pludurar en
Grekia ? Li vere tardesas !!! ». Lore, ridetante, mea matro
respondis : « Ma ico esis milito inter Greki, li ne bezonis kombatar
kontre la Germani. » Me ne intelektis ico ; e mea matro adjuntis
« Esis mem milito kelka yari ante nun, milito inter Hispani, la milito di
Hispania. » Ico semblis a me esar situaciono kompletamente fola ed
absurda ; ma plu tard me saveskis ke ico esis la vereso.
Se
malgre la mizero e la granda sakrifiki dil populo Greka, ne esas duminstante
milito ibe en Grekia, ne esas sama en Ukraina. La milito, olqua nun esas duriva
inter la por-Rusia separisti di est-Ukraina e la centrala guverneriacho di
Kiev povas irgekande divenachar pan-Europana milito. Sen la Usani esus paco ibe. La prezenteso dil
Usani sur nia kontinento esas vera desfeliceso por Europa. E, forsan, por la
tota mondo, nam la pan-Europana militi divenachas facilmente mondo-militi.
Aucun commentaire:
Enregistrer un commentaire