Hodie, 25ma di julio, ye 13 kl. 42 en Paris, la varmeso-rekordo anciena vinkesis e la temperaturo atingis 41° Celsius. Ed ico ne finas, nam on previdas ke dum la posdimezo la temperaturo iros til 42°. Nulatempe depos ke on enrejistrigas temperaturo en ta urbo (depos 1873) tala varmeso konstatesis. Nur en 1947, la temperaturo esis plu alta kam 40°, t.e. dum la 28ma di julio di ta yaro, la maxim alta temperaturo esabis 40,4°. Ma cayare en 2019, ol divenas rekordo obsoleta. Artiklo en la Franca. Por konsolacar la Franciliani, onu aludas la morgala temperaturo qua esos klare plu milda.
Aucun commentaire:
Enregistrer un commentaire