xxx:::xxx
Hiere, posdimeze, me iris a la ferio di Paris. Ico esas expozo e komercala evento qua okuras singlayare, ye la sama periodo dil yaro. Me vidis bela mestierala laboruri e bela objekti Europana ed anke splendida exotikaji veninta de la tota mondo. Me kompris miniona Rusa ikoneto en tri parti.
Pro la diverseso ed agreableso dil produkturi ibe prizentata on havas sentimento di apertiteso a la mondo dum restar en un de la maxim pleziva chefurbi di Europa. Tamen, me havas sucii, nia fola prezidantacho Nikolaos Sarkozius (Nicolas Sarkozy) revas krear "granda Paris" e modernigar dramatatre ica civito per divenigar ol megapolo* segun la stilo dil Usan e dil moderna Chiniana urbegi. Me esperas totakordie ke il ne povos realigar lua projeto, ja pro ke la pekunio por efektigar la labori indijesas. JM :::-:::
xxx:::xxx
Inscription à :
Publier les commentaires (Atom)
Kara Jean, cent yari ante nun multa Parisani ne prizis la turmo di Eiffel e dicis, ke lo esas la maxim leda kozo en la mondo. Nuntempe, milioni de turisti venabas a Paris por vizitar sua belaji, qui inkluzas anke la turmo Eiffel.
RépondreSupprimerMe ipsa vizitis Paris dufoye, e trovis ke la urbo esas tre charmiva, belega e koloroza, ed un de aspekti di tala impresuro esas la difereso di kozi quin on vidas en la urbo. Me esas certa ke ne esas posible altrigar Paris tale multe ke lu divenas same leda kam nova megapoli - lo bezonus la kombinajo di grandega pekunio kun grandega mentala maladeso.
Me savas preske nulo pri via prezidento, ma lu ne semblas esar mentale malada. Adminime serioze. E la France esas un lando ube populo esas tre politikale aktiva, do lo ne esos posibla ledigar Paris sen havar milioni di protestanta urbani...