ANIVERSARIO DIL NASKO DI JAPONIA

HODIE EN LA HISTORIO - La 11ma di februaro, en 660 a.K., esas la dato tradicional por celebrar la fondo di Japonia dal imperiestro legendal Jimmu, pri qua on dicas ke il esis decendanto dil sun-deino Amaterasu per elua nepotulo Ninigi, same kam decendanto dil sturmo-deo Susanoo. En la mitologio Japonian, la periodo ante la aceso al povo di Jimmu esis la "Epoko dil Dei" e Jimmu konsakresis kom la ligilo inter la guvernanta familio di Japonia e la ancestri deal. Segun la registro en la "Kojiki", Imperiestro Jimmu naskis dum la 13ma di februaro en 711 ante nia ero (la unesma dio dil unesma monato di la kalendario Chiniana), e mortis, itere segun legendo, ye la 11ma di marto en 585 a.K. (amba dati segun la lunal-sunal kalendario Japoniana tradicional). Dum ilua vivotempo, il entraprezis expediciono ad-este de Hyuga en 607 a.K. alonge la interna maro di Japonia, submisanta tribui lor lua irado e finante lua marcho en Yamato, ube il establisis lua centro dil povo. Hodie, grandanombra monumenti petra raportanta la precipua eventi en la vivo di Jimmu povas trovesar tra Japonia, ube ica ancien Imperiestro veneracesas. Imajo : Detalo pri Imperiestro Jimmu - Historii de "Nihonki" (Kroniki di Japonia), da Ginko Adachi.