«Nia kontoro serchas por Chiniana kolokanto aquirar imoblo havanta 20 til 40 chambri, ye 800 til 1.000 m2 cirkume, jacanta en quartero di Paris o lua proxima suburbi, ma exkluzante la tro plebeyala e nesekura quarteri.» Ita anunco publikigesis che la forumo di
sociala reto por la privata konto di entraprezisto sucioza lojar lua employati lor lia afer-voyaji. Ica fenomeno esas recenta : lo esez por la laboro o la plezuro, la Chiniani esas sempre plu grandanombra por interesesar pri la Europana imoblaro. Francia esante ye la
unesma rango. «Ni vidis aparar Chiniana klientaro altaklasa depos cirkum sis yari.
Nia lando tre prizesas, nam posedar duesma rezideyo en Paris grantigas kelka prestijo. Nia kompranti ambicias avan omno la «ora triangulo» proxim le Champs-Elysées», explikas Alexander Kraft, Direktisto di Sotheby's International Realty France, olqua esas la
unesma reto di imoblala agenterii specaligita pri luxaji. Ed ica amasala arivo da Aziani ne plus limitizesas a la chefurbo di Francia ed a la Azura Rivo sudala. «Unesmafoye cayare, la Chiniani interesesas pri rurala regioni quale Burgundia, Languedocia e Perigordia. Li
kustumas spensar un milion euri por aquirar habiteyo havanta du chambri en London od en New York. Lore, kande on propozas a li provinco-kastelo kun tereno ye 50 hektari po la sama pekunio-quanto, li infalible seduktesas per la relato di qualeso/preco...», Alexander Kraft ridetas. La kolokanti dil Mezo-Imperio (1) ne hezitas spensar inter 1 e 5 milion euri
meznombre por ofrar a su luxoza rezideyi, ofte pagata kontante. «Chinia hodie havas l'ekonomio maxim aktiva en la mondo, Alexander Kraft atencigas.
Lua habitanti reprezentas aproxime 8% de nia klienti, ma lia nombro kreskadas.
(1) Mezo-Imperio : Altra nomo por indikar Chinia.
Segun artikleto en la diala jurnalo France-Soir.
Aucun commentaire:
Enregistrer un commentaire